| Nikita's profileNikita's cafePhotosBlogLists |  Tools  Help |
|
Nikita's cafeJuly 19 长途训练Yeah！
本小姐返来啦！继续写学车日记……
人系懒左，林住长途训练一返来，就即刻奉上新鲜滚热辣的长训心得的，
不过，1.人懒；2.蜡杂野忙。
So，拖到今时今日先至奉上，万二分歉意！
好，入正题。
6月13、14号，为期两日的长途训练开始！
13号，晨早约莫6：30，本小姐怀着无比兴奋的心情，
起身，装身。
然后，约7点零，
带上一早执好的背囊及简单的早餐，精神奕奕行到街口，
截左部的士，直奔车场。
讲来都出奇，我琴晚成两点先训，
呢个钟数我应该系同周公倾得最投契的时候，
但系，发觉能够揸车呢样野，俾我的不只系兴奋甘简单，
仲会好似coffee甘，系会提神，忘掉眼训噶！
当然，为左揸车时有足够的反应力，我都系习惯性甘买左罐coffee送面包。
教练约我地8点车场集中，
我去到个阵，7点半左近，唔紧要，食埋早餐，时候差唔多。
系啦，介绍下今次“学车毕业旅行”的同行先！
教练：当然系易教，就系带我第一次响广汕路出车个位！
（哈哈！我有影到距相噶，等我武点张高速记忆卡就会upload噶啦！）
性格：远睇比较cool罗，有D挤都唔笑；呵呵！不过熟左就几多野倾的。
学员1：阿峰，男仔，约33岁，同距系考桩个阵识的，唔系广州人，不过来左广州好多年，识讲识听广州话。
学员2：诗女，女仔，约25岁，广州人，系Man少的表姐，后生仔女好易夹！
学员3：Man少，男仔，约20岁，广州人，系诗女的表弟，钟意玩摄影器材。
学员4：本小姐，女仔，年龄介乎于诗女同Man少中间，广州人，钟意揸车到爆！
等到8点半左右，人齐晒，走得！
有少少插曲：诗女唔见左身份证，要兜去距屋企稳稳，
So，正式出发其实差唔多9点。
当所有人同证件、杂物都齐晒，就开始长途训练啦！
易教将部车揸到大金钟入少少，就俾阿峰开始。
阿峰大概揸左廿零米，开始影相。
距个段都既惊险，因为始终近市区，车多，人多。
开得都几定，不过呢，易教话距有低头望手（入档）的习惯，
同埋望镜少DD。
跟住系Man少揸。
技术唔错，基本上无咩坏习惯，死火都会有。
两个男仔始终响超车与被超车中平稳行驶。
Man少一直揸到连州境内，我地去某“大饭店”食饭。
手写菜单，无价目牌，样样野都劲贵！
58蚊半只鸡，40几蚊一个铁板猪大肠！仲要昆鬼我地话系粉肠！
38蚊美其名曰“金枝玉叶”，实为多油炒唔匀D盐的豆角叶炒豆角！
影真别有一番风味罗！
其实去之前，都已经知道，呢D路边的食市就系攒我地呢D膏肥肉厚的“水鱼”噶啦，
但系，望到食物的出品与所标价目的差异之时，米话唔心惊惊！
易教话：“无办法，扶贫系甘噶啦！”
饭后，诗女上阵。
之前同过诗女倾偈，
知道距平时有用过老公部车晚黑去珠江新城练习。
所以，技术应该都OK。
诗女行山中公路，即系两边都有山个种，
而且系一坡上完一坡落。
点解要着重讲明系山中公路呢？因为要同我后边行的个条路区别返。
好有连续过山车的感觉。
的确几定，
我揸住部相机响后座影相，
又或者同Man少倾下边D相机正，
吹下水，打下牙教。
诗女影完相，岩过左公路收费站。
然后，停低，成车人落晒来，松下胫筋骨。
无耐，换我揸。
吖吖吖！等到我颈都长埋，终于到我啦！
不过，呢到有少少遗憾，
 就系距地三个都有经过收费站，
唯独我无……
变左少左呢个经验罗……
讲真，当时有少少心噙噶。
 我揸的开始一段，车比较少，
亦都有上坡有落坡。
我比较大喉腩，
成日都俾油……
 于是，公里表去到60几。
然后，前方有车，
可能我仲夷又未尽，
未识收油。
易教响隔离不断ngem：“安全距离，安全距离！”
不得已，易教响副刹个边，
系关键时候不时帮我dum刹车。
于是，易教就话我：“如果你仲未曾行得甘快，慢D得唔得啊？？一定要飞到甘快的咩？”
我颔下头：“哦，我知啦。”
 呢段路呢，我死火无乜，
不过惊险就陆续有来啦！
可能俾易教ngem得多，
跟住的呢段路，会就住就住来揸罗。
路况好差：
好鬼多巨型泥头车借道逆行啦；
又或者路面压烂的一个一个凼；
再或者后面疯狂的教练车誓要危险超我车啦！
唔知系米俾人逢车必超，
成全晒人地超车的快感之后自己有所妒忌，
我居然为左超返前边个部黑色教练车，
响一个两边均系农田的急弯位，
（农田与公路基本水平，无落差）
非常疯狂、大胆甘，
借隔离逆行车道，
俾油靠左侧内线过弯兼且过埋个部教练车！！
 心入边林：“等你过我过得甘过瘾啊啦！”
然后，行返自己的车道，
甘就扒左距头啦！
（此时路况已经比较安全）
就响自己暗暗庆幸之时，
耳仔边传来易教惊中带怒的声音：
“喂！你有无搞错噶？求先过紧弯噶！！啊你甘大胆的？！过弯都唔收油不单只，仲要逆行超车？！”
“你知唔知求先几危险啊？！万一对面有车来，甘点啊？！”
“咩情况下可以超车啊？文科点学噶？吓？”
刹时间，我心惊胆跳，
因为易教一番说话，
的确醍醐灌顶！
令岩岩仲沉迷于超车快感的我，
惊觉为一己私欲，
将成车人的性命置之不理，
系何等的麻痹大意？！
真系好彩求先无车咋！！
然后开得就比较小心啦。
呢个系最为惊险的一个经历。
然后仲有两个都几惊险的经历。
经历一：
系过一条沙尘滚滚的沙路个阵，
扬起的沙尘，
将前方的视线蒙蒙眬眬遮住左。
唔系睇唔到个种，
而系……
反正好大尘啦！
前方有教练车慢行，
但我好本能甘林住快快行过就算。
你知啦，一个行人如果遇到沙尘，都系急急脚甘行左去噶嘛。
我米就系用左呢种指导思想罗，
结果……
跟车太贴，
易教一脚刹车，dum实，死火。
传来易教教诲：“你做乜野啊？！睇唔睇到路啊？！”
我米话：“好大尘，睇得唔系好清楚。”
易教话：“甘你仲行甘快？！当前方视线唔清个阵，要做乜野啊？”
我战战兢兢答：“减档。”
其实我当时心林：“我净系想快D行过去姐，甘大尘……”
易教话：“减咩档啊？减档前提系咩啊？……（稍作停顿，食啖烟）系减速啊！未减速点减档啊？”
我答：“哦，我会记得噶啦。”
易教又话：“你真系记得先好啊，着返部车啦。”
就响我着车个阵，
易教结束语：“都唔知你地D人林咩的？开车系要有一种意识的，系每做一样野之前，要林下点样去做，点样先安全。”
“哦，记住，记住。”我自言自语，呢D教诲，的确受益终身！
经历二：
之前我米讲过，我行个条路好多凼的？ 无错啦，今次的经历就系讲我过凼啦。 D凼呢，系好鬼大个只，有D的直径会去到同部车的底盘甘宽。 凹落去的凼中心，会有D好尖锐的乱石凸出， 因为怕颠，惊死火， 所以，我第一、二次过大凼个阵， 系完全用之前用开的高速，就甘过。 问题出现啦。 易教见我甘过大凼，就问：“你知唔知过紧烂路噶？” 我答：“我知啊。” 易教好气又好嬲甘叹左口气：“你知？！仲过得甘快？！文科系点讲过凹凸路面噶？？” “我……我真系唔记得左……”万分惭愧的我，真系答唔出。 “凹凸路面系要减速用低档过噶嘛！你行得甘快，知唔知衰咩啊？”易教问。 “会好颠罗……”我十分唔肯定甘答距。 （稍作停顿，食啖烟）“系会容易死火啊！你一死左火，塞响条路中间，系米好危险啊？”易教慢慢道出。 “系。我记住啦。”我真系丑到要稳窿捐。 易教又话：“那，前边仲有好多烂路噶，你自己要识行啊吓，我唔讲噶啦。讲过的野就要记住，下次再遇到个阵林下点做。” 我好用力甘颔头，心林：唔好再错埋D低级错误啊！ 无耐，又来到一个巨凼。 凼前仲有约5、6米，我减速，右手旭波棍。 易教话：“旭咩波棍啊？！你行到个凼面前呢咩？甘快知减几档啦？” “甘你话要减速减档噶嘛……”我已经心虚，声音越来越细，好惊答错。 “我系话要减速减档，但系米要视乎实际情况啊？你都未行到个凼边，你点知实际情况系点啊？系米要睇清楚先去决定减几档啊？” （停一停）“要灵活D啊嘛！如果你仲未清楚要点行，系米可以慢到差唔多停甘济，来到凼边，再视乎情况减档啊？又或者系米可以避开啊？唔一定要擀过去呱？你睇下人地部车系点行？”易教又话。 我望去前边：系啵，人地D教练车，真系避得过的凼一般都会避开，唔系好似我甘，行死呢条路，唔识避。 “嗯，又学到野啦，虽然无左过收费站的经验，不过行烂路呢样野亦都非常有用，又系一条宝贵经验！”我心林。
又行左一阵，来到类似《头文字D》的发夹弯的路段！ 嘻嘻~~~~讲笑，的确系一边悬崖，一边系凸出的石灰岩。 同诗女行个段路唔同噶！ 但系，D弯就无人地甘急，不过都有“急弯落坡路”的标示牌响路边。 可惜揸紧车，无影到落来。 呢段系我最后行的一段路。 一样有大货逆行，一样有唔要命的牛屎教练车超我。 不过已经唔会再为争啖气去超返人啦， 因为易教响隔离不断甘讲：“呢段路好多落坡路噶，要小心，要慢，距要超就由人地超到够，安全第一！” 无错，安全第一！ 滴滴两声，影相完毕。 来到某长满玉米的田边，我的行程结束。 一行人全部落晒车，抖下。
甘就结束左，行得比我自己预期差好多！！ 落车后，我心情都好down，头耷耷，唔知讲咩好。 对住阿峰、诗女同Man少，无言以对…… 因为见到易教个样都几失望下…… 气氛好怪，本来就够静噶啦，农田边…… 衣家仲因为我“甘意外”的表现， 令到大家都无咩mood讲笑、倾偈。 不过，我都系想再问下易教，我甘的情况可以点改善？ 于是斗胆同易教倾偈：“易教，我行得甘差，点算？”自己唔好意思甘笑左下…… 易教食啖烟，“多D林下，开车个阵应该点样做，咩叫安全？将我求先讲过的野，自己思考下，系咩情况下应该点处理，灵活D。仲有啊，你脚头好重啊，俾油有时多过头，但系有时又唔够。安全距离系要保持噶，俾油唔系为左追上部车，然后急刹离开距噶。” “哦。”我又颔下头。 一阵过后，易教同阿峰讲：“你来揸。”
然后阿峰就揸到上高速前的路口。 因为去连州的旧路山泥倾泻左，只能够行高速去。 上左高速一段时间，怀住无比惭愧的好down的心情，我就训着左。 又行左好耐，忽然塞车。 原来系一部教练车响一条好烂的高速路段爆胎，好似连士啤个条都烂埋， 距的教练响到打紧电话call车求救。 呢阵，易教指左下，话：“那，呢D就系过凼个阵行得快啦！” “哦！原来过烂路、大凼行得快唔单只会死火，仲会爆胎的……原来系甘……”我心入边林。 联系返自己求先过大坑个阵， 正如易教所讲， 如果一直用高速甘过，后果就系一唔系死火，一唔系爆胎，部车会好颠都仲系其次！！ 有左今次甘现实的反面教材后， 我紧记点样先至系安全甘通过凹凸路面了。
又行左好耐，遇到大塞车。 原来系前方铺高速要爆破两边的岩石。 等作足足有成个钟头， 条车龙慢慢过， 易教以极其娴熟的技巧， 非常稳阵甘通过呢段危险路段。 你知啦，成地下都系碎岩石啵，又要sim位。 于是，我又林：唉，唔知几时我先至有易教甘犀利的技术呢？
过完爆破路段，终于来到连州的小镇啦。 家阵的心情已经好返好多。 我唔会嬲易教闹我， 因为距系袋钱入我袋， 而且距肯闹我、教我，真系求之不得的事， 系好事。 相反， 我净系嬲自己开始有D自视甚高，觉得技术好掂， 但其实问题好多。
平复完心情，望下周围， 感觉好似世外桃源甘， 好纯朴，好平静，唔会繁华， 系西方垃圾快餐店唯一无污染的宁静小镇！ 入左镇再行几公里，要入山个仲， 先至来到长途训练基地。
跟住就系排队、报到、影相、抽签晚黑住边。 呢几样野唔系等左好耐。 因为我地四个学仔响到玩Pair， 时间快过…… 易教就辛苦啦，要忙前忙后……
抽签结果：今晚训镇上的招待所！ 易教话：“总言之唔使训基地就好好！” 但系我唔系好明，就问：“易教，训基地系米就系训出边（停车场对开）个排别墅仔啊？” 易教话：“系啊。” 我又问：“其实望落去都几靓啊？唔通入边系碌架床？” 易教话：“唔系碌架床，都系一张张的床姐。甘你林下，呢D屋靠山，会点啊？” 我林左阵，答：“会……好多湿气罗……” 易教好鬼马甘话：“甘多湿气会多咩啊？（停左阵）米多蛇虫鼠蚁罗！” 系啵！ 乜叫经验？呢D米叫经验罗！！
一行人揸车出返小镇， 来到指定饭店食自助餐。 菜式都几丰盛， 我夹左两、三样送就算啦， 天口兴，唔食得几多，惊住浪费。 PS：我响饭店内无意中偷影到易教的侧面全身相！！ 其实唔算偷影。因为我岩影完，易教已经发觉距入左我镜头入边！！ 距亲自过目过张相影得够唔够靓仔噶！！ 食饭过阵，气氛轻松好多啦，大家吹下水，讲下笑， 一餐饭时间就过左啦。
食完饭，一行人揸车来到“XX宾馆”check in。 （唔好意思，个名实在唔记得，不过upload D相之后，会补返，事关我有影到距个全名。） 分好房，就各自休息， 可能易教真系好鬼累，或者距性格比较静呱？ 无安排咩“精彩夜生活”， 少少失望~~~~~ （因为之前睇过人地写的长途训练日志呢，讲到晚黑会去唱K啦，或者食烧烤宵夜啦之类。我个晚就系同诗女响房到睇电视、倾偈。倾到大家眼训就训啦。）
第二日，6点半，我就起身啦， 诗女晏少少起。 然后执好野， 一行人check out。 易教热车， 我响周围影相。 启程去琴晚个间饭店食早餐。 餐前我又影相，都系惯例啦。 食完，揸车入返基地报到， 拿档案，长途训练手续叫做完成。 出来个阵， 易教就同我地讲下当地风土人情， 譬如瑶族的传统住宅系响山到的…… Something like that啦！
回程全程由易教揸返来， 都系行高速， 12点半就返到车场啦。 呢到呢，又系有少少遗憾罗…… 如果，返程都系我地四个轮流揸的话， 甘就更为之好啦，多D机会练车啊嘛……
Anyway，来到呢到，本小姐今次难忘的长途训练就结束了， 真系学到好多野。 正如第一次出车个阵， 某个男仔学员同我讲甘：“长途训练完返来呢，你就会好似我地揸得甘熟练噶啦。” 都算几完满啦， 凡事都无十全十美的……
甘下一次呢，我就要写下本小姐路考前路面训练的日志啦！ 几时写啊？ 唔知噶？！ 要有心情啦，网络行得靓啦…… 总之要天时、地利、人和。 不过，会好快upgrade噶啦！ June 11 第一次出车6月5号，系本小姐第一次正式驾车于复杂的路面。
呢篇日志本来系5号个日返来写的，点知个My Space居然又神左！！
所以，系迟来的日志。。。
话说5号个日，我同埋三位男学员一部车，响教练的带领下，于广汕公路上，上演“亡命飞车”！！！！
 距地三位已经长途训练返来，所以揸得比较顺手，
当然，人地系就来路考啦。。。
而我就……
估计后座乘客要做足安全措施啦……
当教练话“你来揸啦”个阵，
我从后座一步一惊心甘步向驾驶室，
坐定，揽好安全带，
我第一时间同教练讲：“我乜都唔识噶！”
 因为惊距以为我又系过左长途个种。
教练话“唔使惊，我响隔离，依家同你讲下D……”
就开始讲车灯、控制台、入波同考试要领之类的野。
讲左5分钟，教练话：“起步行啦。”
我，我，我，发觉真系唔知点算！！！
之前我净系使用过离合器，都未曾踩过油门啵！！！！！
点行啊？？？
教练见我不知所措，就话：“入1档，半联动。”
呢样我就识。做好左。
然后教练又话：“松手刹。”
我又做左。
教练话：“打呔出去。”
我打左。
教练话：“慢慢松开少少离合，右脚俾油。”
哈哈！呢下就大祸啦！
我于是用左少少力dum油门，
点知？？？
死火！！！！
系甘一chock，
车就停左，
五个人全部劲向前倾!
真系定力少D，都抛左出去。。。。
我劲惊，mut大口得个窿。
右手用力拍左两下心口，
乜都讲唔到。。。。
 后座男仔问：“你好惊啊？放松D啦！我地坐紧你部车噶……”
我知……
我都唔想大家有事。
 教练见状，
就话：“着过部车，拉手刹，稳下油门同离合配合的感觉先。”
呜呜~~~~~
肯定系教练都惊左我啦今次。。。
又练左油门同离合感觉几次，
有少少feel啦，
教练问我：“今次OK呱？”
我颔下头。
教练话：“甘起步啦。”
起步，俾油，无耐，教练又有指示：“入2档。”
好彩，无低头的坏习惯。
入得都算水利。
2档俾油行驶时，
始终无放晒离合。
教练话：“离合放啦，放晒啦，惊乜啊？”
战战兢兢中，
将离合放晒。
速度够啦，
“入3档。”新指示。
……
……
然后，就响无乜车的情况下，
以最高速度约60公里/小时，
响一个右转落斜位的车道上，
feel下“速度与激情”般的快感！！！
 爽！！！
揸左几转，
feel到几时应该入档，
亦都顺手好多啦。
但系，
教练同我重复起第样野：
“安全距离！安全距离啊！”
真系不时响耳仔边响起。。。
“咩意思啊？”我心林。
“同你讲左几多次啊！安全距离啊！收下油啦！跟到甘贴！收油啊！”
哦，原来我真系不知不觉中，飞得太快，而前面的车又慢，
所以，跟得劲贴。
不过飞车个阵的感觉，真系难忘，
爽啊！！！！
好啦，收油，收油……
又揸多几转。
就响落日余辉时，
由一位后座男仔揸部车返车场，
响意犹未尽时结束第一次练车啦。
难忘啊！
May 23 恋上Bacon首先声明，此Bacon并非英国哲学家,而系熏肉的个种。
对西方美食的喜爱，我从不掩饰。
首先系Coffee，然后系Cheese，而如今，系Bacon。.
Bacon的食法好多，
西式传统的有切薄片，微微煎香，夹入包中，成为美味三文治的馅料；
西式新派的有切薄片，中间放一条仔青瓜或甘笋，用作Barbecue；
中西合璧的有同样将Bacon切薄片，用来滚汤。取其咸味及熏肉特有的烟味。
不过我的食法有少少唔同。
我试过净系煎香两件Bacon，再加只煎蛋，跟杯鲜橙汁。
一份简单而又香口的早餐就搞掂啦！
又或者，将茶餐厅常见的“餐蛋通”煮成“Bacon蛋通”。
我无即食面汤底，不过可以加鸡粉、两茶匙沙爹酱，少盐，一样和味！
Bacon固然之好味，但系距又系可怕的脂肪制造者！
Bacon通常用“五花”或者“三花”的猪后背和两侧的肉来整的（五花，大家都知；三花系我发明的即系少一层肥一层瘦啰！）
即使距美味非常，但系日日食，个肚腩始终会好快好似件Bacon甘。
加上熏腌肉类，亚硝酸盐肯定唔会少，食得多，都系唔健康。
甘为左我可以满足成日口痕痕想食Bacon的欲望，
我就宁愿好情深款款甘呼唤一声：Bacon!!!
好过变成人版Bacon啊！
一句唔够？
甘迷两句啰：Bacon!Bacon!
一定要好深情甘喊，
喊过之后，个肚就会好似真系食完Bacon甘，
一股满足感油然而生。
May 14 揸车，都算系爱好呱？？旧年年中报名学车，
好快过左文科，
唔使讲，满分啦！
然后因为返工原因，
隔左成五个月，
先至正正式式学蝴蝶桩……
第一次考蝴蝶桩，
过于紧张、劳累（从早上10点半的预约时间等到13点几先有得考，劲多人考，劲多人唔合格），头脑空白，
衰左。。。。。。
心情劲差，
心林：无理由甘钟意揸车都会恐惧考牌呱？
无牌，我系一定唔会上路面的，费事害己害人！
个阵搭车路过“波子”专卖店，
会同自己讲：连捷达都武距唔掂，有机会揸“波子”个阵米仲弊？
所以，蝴蝶桩，点都要过！！！
又过多一个月，二次考蝴蝶桩。
抽到的桩位number唔同上次，上次7号仔，今次5号仔，
以为换左位，
其实都系个个，
因为今次桩位多左，
number就唔同姐~~~~~~
俗话话：响边度跌低，就响边度爬翻起身！
上车前，我系甘同自己讲噶！
车旭之后，
可能由于同一个桩位的缘故，
我的确无甘紧张，
一步一步做落去，
最尾入甲库个阵为求完美，我仲好惊险甘修正再入……
然后，笑住揸翻部车去起考线。
拉手刹，空挡，松安全带，落车。
教练笑到见牙唔见眼
 甘行过来，同我击掌祝贺！！！
我估系因为我之前个个男仔（我第二个考）虽然都系过左关，
但系始终仲系有小问题，
我记得我行过来准备考个阵，
真系见到教练话紧距几句噶~~~~
而我就真系将所学的野，
响考试个度全部发挥晒……
所以米教练开心，我又开心罗！！！！
同车另外三人，全过！！！！！！
掂啊！！！！！！
 约一个月后，即5月10号、11号安排练九选三，12号考。
我都会有少少担心会唔会太少时间练？
不过，教练系有经验的，
要信距啊嘛~~~~~~
所以非常俾心机去练好两日半的时间……
12号晏昼1点几，
阿Sir揸住部警车来啦！！！！！！
考试开始！！！！！
依然系蝴蝶桩的一班人，系少左个唔来得。
好好彩！！！！！
我地抽到上上签，
定点停车&坡度起步+泊位+直角转弯！！！！！
即系唔使考单边桥！！！！
前两项系必考。
对我来讲，
泊位等于半个蝴蝶桩（教练如是说)，
唔惊。
练左甘多次，
无出过咩差池····
定点停车&坡度起步呢，
我地平时练个个坡度比考试个个斜N倍啦~~~~~~~~
所以一样，
唔惊！
直角转弯响蝴蝶桩临出库个时都有啦，
不过系睇点唔同左~~~~~~
系最无难度的一项~~~~~~~
但系，单边桥！！！！！
我就好讲运气啦……
做得好个阵，好似教科书的材料（同车的学员讲的）；
唔好个阵，只辘行行下会跌落来的~~~~~
教练都好担心我呢项。
人地（其他驾校的学员）话：
第一次系上左边桥的两只辘，好易，
第二次系上右边桥的两只辘，因为要自己追线，劲难！
哈哈！我就岩岩相反。
如果系教练开正部车，我上第一边桥，无问题；
右边我睇得准过左边桥自己追线。
于是，我同教练开玩笑：
教练啊，考试个阵，左边桥的睇位就指意你噶啦！
右边我自己识执生！
我地三个学员猛甘点头。
点知教练话：
我会专登开歪D，等你自己慢慢调正距。
唔系呱？！教练！！！！
开下玩笑好啦·····
 呢个教练认真幽默····
不过，
都系唔使考单边桥，
所以，
异常轻松地考埋直角转弯+泊位。
顺顺利利！！！！
我地三个都过晒九选三，
来紧，哈哈！
就来去长途训练啦！！！！
系我期待已久的揸车长途卜！！！！！
 好期待啊！！！！！！
April 29 逃离。关于逃离。中午，发愣的时候，
恍恍忽，做了一桩黄粱梦，
美不美，告诉你。
我只身一人，来到孤山居住。
绿荫茂密，
不泛荒凉，
宁静非常。
岚风习习，
不似山下燥热。
我有一间木屋，
纯朴而结实。
远离尘世烦嚣，好个舒坦！
我带了几本适宜安静阅读的书，
有中国古文，也有外国名著。
随性地看书，
不为某人、某事、某物。
困了，
我轻轻地睡去，
梦里沉醉；
醒了，
我缓缓地起来，
林中追随。
悠悠天地间，
今夕是何年？
这是一个关于逃离的梦。
成就了煞羡旁人的静谧归隐，
却丢弃了纸醉金迷的荣华富贵。
逃离。关于逃离。
我很清楚，也想得够清楚，
可是，
我的双腿
到底被什么羁绊了？
永永远远也逃不出，
逃不出的是无尽的迷茫。
|
|
|||
|
|
